22 Avgost (31 mordad) günü Millətimizin ırqıçılığa qarşı çağırışını Azərbaycan Federasiyonu İsveç dəstəkliyir!

İranda Güney Azərbaycan Türklərinə olan basqı dünyanın heç bir yerində bənzəri görünməmişdir. Iranda Azərbaycan Türkləri ən ilkin insani haqlarından məhrum olmuşdur. 35 milyondan artıq bir millətin ana dili qadağandır, yeni Uşaq Baxçasına (Məhdekudəkə) Okula (məktəbə) başlayan türk uşağı öz doğma ana dili yerinə ana dili olan türk dilinə heç bənzəri olmayan fars dilini öyrənməyə məcburdur. Öz normal yaşamı üçün idarələrə işi düşən kəndli, Şəhərli Azərbaycanlılar öz ana dili olan türk dili yerinə fars dilində işlərini yeritməlidirlər. Anlamadığları bir dildə quracaqları yaşamlarının sənədləri farscadır. Dinlədikləri radio, izlədikləri televiziyon farscadır.

Millətin keçmişi və gələcəyi üçün verilmiş və veriləcək qanunlar öz doğma Türk dilində yox başa düşmədiyi fars dilindədir. Məhkəməyə işi düşən Azərbaycan Türkləri öz doğma ana dilində yox fars dilində məhkəməyə çekilir, məhkəmə olunur.

35 milyondan artıq bir millətin ana dilində bir məktəbi yoxdur. Bir qəzeti yoxdur. Bir partiyası yoxdur. Bir musiqi akademiyası yoxdur. Bir radiosu yoxdur. Bir televiziyonu yoxdur. Öz dilində bir tiatro oynamağa haqqı yoxdur. Bir opera oynamağa haqqı yoxdur. Sinamaya gedib öz dilində bir filim izləməyə haqqı yoxdur. Özü doğurduğu uşağına ana dili olan Türk Dilində ad qoya bilmir.

Vətənini sevən Azərbaycan Türkü yurdundan didərgin düşürülür. Dilini sevən ulusunu sevən yurddaşlarımızı zindanlar şikəncələr gözləyir.

Bu ağla sığışmıyan diktatorluğa İnsan Haqlarını taptdalıyanlara Güney Azərbaycan Türkləri sivil yollar ilə öz haqlarını istəməklə dəfələrcə dur deyiblər. İndi millətimiz özgürlüyü yolunda sivil bir biçimdə fotbol meydanlarında haqqını istəməyə dəvam etdirir.

Biz Azərbaycan Federasiyonu İsveç AFİ olaraq millətimizi sarsılmadan Azərbaycanın bütün şəhərlərində toplanıb sivil formada göstərilər yolu ilə İran rejimindən öz insani haqlarını əldə etməyə inanırıq. Ona görə 22 Avgost (31 mordad) millətimizin öz milli, mədəni, siyasi və iqtisadi özgürlüyünü əldə etmək üçün bir araya gəlməyini dəstəklirik. Irqıçılığa qarşı bu çağrını dəstəkliyirik.

Millətimizə 22 Avgost (31 mordad) ırqıçılığa qarşı yürüyüşündə uğurlar arzu edirik.

Azərbaycan Federasiyası İsveç AFİ

Başqan

Settar Sevigin settar_ss@yahoo.se

0046707120117

Stokholm 2010-08-20